Eén familie, van up uze boerderie tot in de winkel
Slagerij Maertens, da’s een stik van uus gezin. Samen met Achiel, Lowiek en Florien bouwen wieder, Bart en Lore, elke dag verder aan uze beenhouwerij. En da doen we met een hele bende goeie mensen rond us. Elk met z’n eigen talent, mo allemaal met evenveel goeste.
De boerderie, de ateliers, de keuken, uze winkels en de Foodbarn: ’t hoort allemolle bie mekaar. We steken samen de handen ut de mouwen, helpen waar da ’t nodig is en peinzen mee hoe ’t morgen nog een bitje beter kan.
Met ‘t herte gekweekt up us erf
Us verhaal begint up Hoeve Hagebos in Zuienkerke. Daar, up de vette polderweiden, groeien uze Blonde d’Aquitaine-runderen zo natuurlijk mogelijk op.
Wie deur de polders fietst, ziet ze misschien wel lopen. Samen grazen, samen rusten en de kalvers dicht bie under mama. Wieder kunnen daar echt van genieten. Gewoon een keer kieken naar uze kudde, da geeft uus rust én nieuwe energie.
En komen de beesten up stal, dan zorgen we zelve da ’t eten gereedstoat. Gras, maïs en granen: we zaaien en oogsten ’t zelve, met evenveel zorge. Ook under taloore is deur us gevuld.
Uze kalvers bluv’n zeven tot acht maanden bie under mama en drinken al dien tied bie heur. Ze kriegen de tied om te groeien. Want boer z’n, da’s voor us: van ’t eerste moment d’erbie z’n en goed voor je beesten zorgen.
Fier up us vlees, goeste in us vak!
Als boer en beenhouwer weten we welke weg da us eigen rundsvlees afgelegd heeft. We hebben die beesten zelve gekweekt en verzorgd. En met diezelfde zorge versnijden we ’t vlees voor in de toog en straks up joen taloore.
Ja, daar zyn we fier up. En da mag ook een bitje, hé.
Diezelfde goeste vind je terug in uze huisbereide charcuterie en in al ’t lekkers da ut uze keuken komt. Proeven, biekruden, nog een keer proberen tot ’t goe zit. We doen da geiren. ’t Is us ambacht.
Us team is uze kudde
In uze kudde is iedereen anders. Elk z’n karakter, elk z’n talent en elk z’n gedacht. En gelukkig mo.
Van de boerderie tot achter de toog: we helpen mekaar en peinzen mee. Hoe kan ’t beter? Hoe kunnen we u nog beter helpen? Samen zien en kunnen we meer.
Uze grote kudde draagt uze kleine kudde, uus gezin, mee vooruit. En zo bluv’n we samen doen wa we ’t liefste doen: met veel goeste lekker eten maken en zorgen da je geiren bie us over de vloer komt. daj content ziet, dat smoakt en dat goed was.
das vo uz et belangrijkste. want de beste reclame da zorgn junder voorn.